Gliconium
Gliconium in libris antiquis translatis reperio diversasque expositiones, nam in pratica de greco translata simillima Almansori alicubi ubi habetur gliconium in Almansore habetur mentastrum, et alibi ut in ca. de apostemate stomaci ubi habetur flores camomille in dicta pratica habetur gliconii flores. Item Pau. ca. de alopitia in quodam gargarismate ubi habet gliconium in pratica Ioan. Sera. in eodem gargarismate habetur calamentum montanum vel fluviale. Item Pau. ca. de lapide ubi habet gliconium, Avi. eodem medicamine habet calamentum campestre. Item in libro antiquo de simplici medicina pulegium inquit quod greci gliconos dicunt interrogatus grecus a me quid vocaret pulegium respondit vliconos, et ita est in libro de doctrina greca expositum, nos autem bliconos dicere possumus, in antiquo libro inveni gliconium pulegium, nec mirandum si arabes errant in huiusmodi plantis que habent convenientiam in forma et virtute quando exponunt greca nomina, nam in magis distantibus ut ostendet in multis locis huius, operis hoc idem accidit.
