Ysopus cerotus
Ysopus cerotus Dya. est quasi sordes ex succo lanarum succidarum hoc quod modo colligitur. lane succide et sordidissime mox detonse mittuntur in vas aquam calidam habens: et sic succenditur ignis ut aliquid ferveat deinde refrigerantur et quod supernataverit in modum pinguedinis abstrahitur manu et in vas stagneum mittitur et sic ipsum vas repletur pluviali et coopertum tenui lintheo ponitur ad solem biduo: et sic tertia die aqua delipidatur et alia recens mittitur et similiter relinquitur ad solem et rursum delipidatur et reponitur et cetera. Pli. Isopum inquit est sordes pecudum sudorque femorum et aliarum adherens lanis, ysopum vocant, melior inaticis ovibus genitus, fit pluribus modis, sed probatissimum lana ab his partibus recenti capta aut quibuscumque sordibus succidis primum collectis lento igne in eneo subfervefactis et refrigeratis pinguique quod supernatat in fictili vase iterumque decocta secunda que aqua lavatur et in linteo siccatur ac sole torretur donec candida fiat ac translucida, tunc in stagnea pixide conditur, probatio autem huius ut virus oleat et manu fricante ex aqua non liquetur sed albescat ut cerusa et cetera, hec ab Avi. ysopus humida vocatur, hec in anti. universali esopus ygri dicitur, in vero Dya colligitur autem ipse succus sic, sume lanas molles ac rudes et lava in aqua calida sub sole ferventi et oves sordes exprime quibus in conca missis cum aqua vehementer commove donec spumam habeat plurimam postea spumam ipsam colligis aut aspersa aqua maritima cum constiterit supernatans pinguedo colligitur in alio vase fictili et superinfundis aquam maritimam cum ingenti motu donec spumare cesset tunc colligis ipsam pinguedinem et manibus malaxabis ut si qua purgamenta fuerint admixta separentur tunc refusa aqua priori atque alia superinfusa adhibito motu manibus opare donec alba et pinguis appareat: et sic repone in vase fictili et cetera.
