Preface § 5

Triplici existente omnium medicinarum simplicium genere plantarum videlicet animalium et mineralium non satis ad eorum cognitionem solis scripturis innitendum deputaverim quando frequenti visitatione ac diligenti investigatione ad id studium impendatur, quam maxime circa plantarum distantias. Nam non solum etates quadripartito anni tempore mutant faciem. Verum in diversis regionibus sitibusque terrarum accidit que eedem sunt spem prorsus alie reputentur. Aliter namque cultis aliter silvestribus, aliter in convallibus et campestribus humidis vel locis aliter montuosis et aridis aliter umbrosis aliter apricis variantur tam effigie quam effectu. Quapropter in colligendis ipsis et earum partibus multum interest. Omnia quidem plantaria plena maturitate legenda sunt. Tenera namque et adhuc ortui vicina nimio crudoque humore dominante quasi infantili etate imbecillia viribus existunt. Sed et arteficiendia senectuti vicina ut succo sic destituta vitari oportet, at media etiam robusta etate veluti in iuventute quadam predita viribus perferuntur. Porro alio tempore flores alio folia alioque semina colligi alioque radices evelli oportet: etiam alio exucari. Nam radices quando folia cadere incipiunt ut Dya. iubet effodi. Cetera ut iam dictum est plena in maturitate petantur. Hoc etiam cavendum idem iubet ne vetusta radice plante accipiantur, presertim cum quedam bis in anno germinent et floreant, quedam nihilominus tempestivius quedam vero serius quadam breviori tempore prolixiori maturescant floreant et seminent, quare non omnia uno eodemque tempore rite colligi poterunt. Sed quando et qualiter colligere oportet reponere et servari nec non et operationes circa huiusmodi a dya. in prohemio et in .xxviii. azaraui et buchasim et etiamin hoc opere determinatum habes. Ceterum que scripto plene mandari non poterat studioso et sagaci ingenio reservantur.